ناوه‌ڕۆك
تاهۆ
ئۆتۆمبێلی تاهۆ (بە ئینگلیزی: Tahoe) ئۆتۆمبێلێکی دەبڵ ئەکسلی شۆڤرۆلێتی سەر بە کۆمپانیای جەنەڕاڵ مۆتۆرزی ئەمریکییە، ئەم ئۆتۆمبێلە و هاوشانەکەی (یوکۆنی GMC) زنجیرەئۆتۆمبێلێکی بەهێزی کۆمپانیای جەنەڕاڵ مۆتۆرزن، بەرهەمهێنانی تاهۆ لە ساڵی ١٩٩٤ـەوە دەستی پێ کردووە، ئەم ئۆتۆمبێلە جیاوازییەکەی ئەوەبوو ئۆتۆمبێلێکی بەهێز و درێژ بوو و چوار دەرگای هەبوو. کۆمپانیاکە لە ساڵی ٢٠٠٧ـەوە لە ڕووی شێوە و بنچینەوە گۆڕانکارییەکی تەواوی لە ئۆتۆمبێلەکە کردووە و سیستمی کاریگەری پاشەکەوتکردنی سووتەمەنیی (AFM)ـی بۆ ئۆتۆمبێلەکە زیاد کردووە کە ئەو سیستمە چوار سیلێندرەکە لە کارکردن جیا دەکاتەوە کاتێک خێرایی جێگیر بوو یان ئۆتۆمبێلەکە هێواش بوو.
| جۆر | فوول قەبارەی SUV |
| سەر بە خێزانی |
|
| مۆدێلی پێشوو | Chevrolet K5 Blazer/GMC K5 Jimmy |
| ساڵی بەرهەمهێنان | ١٩٩٤ تا ئێستا |
| بەرهەمهێنەر | جەنەڕاڵ مۆتۆرز (General Motors) |
ئۆتۆمبێلی تاهۆ لە هەریەک لە وڵاتانی ئەمریکای باکوور و کۆمەڵێک وڵاتی وەک فلیپین و ڕۆژهەڵاتی ناوەڕاست دەفرۆشرێت، لەگەڵ هەریەک لە چیلی و بۆلیڤیا و ئیکوادۆر و پیرۆ و کۆڵۆمبیا و ئەنگۆلا، بەڵام ئۆتۆمبێلی یوکۆن تەنیا لە کیشوەری ئەمریکای باکوور و ڕۆژهەڵاتی ناوەڕاست دەفرۆشرێت.
لە ساڵانی دەیەی دووەمی ٢٠٠٠ ئۆتۆمبێلی تاهۆ نوێنەری (کۆمپانیای جەنەڕاڵ مۆتۆرز)ـە وەک ئۆتۆمبێلێکی خێزانیی بەهێزی دەبڵ ئەکسلی قەبارە گەورە لە بازاڕدا.
ئەم ئۆتۆمبێلە لەگەڵ هەریەک لە ئۆتۆمبێلەکانی (یوکۆن) و (کادیلاک ئێسکلەید - Cadillac Escalade) هاوشێوەی یەکترن و نزیکن. هەروەها ڕکابەری سەرەکی Ford Expedition و Toyota Sequoia و Nissan Armadaـە لە بازاڕدا.
لە ساڵی ٢٠١٤ تاهۆ بووە یەکەمین ئۆتۆمبێلی بەرزی فرەکرداری بەهێز بەپێی ڕاپۆرتی ساڵانەی U.S. News & World. هەروەها تاهۆ زۆرینەی کات پڕفرۆشترین ئۆتۆمبێلی ویلایەتە یەکگرتووەکانی ئەمریکا بووە.
واتای ناوەکەی
تاهۆ ناوێکی هیندیی سووریی کۆنە و واتە "ئاوێکی گەورە". کە دەریاچەیەکی گەورەی نیڤادایە لە باکووری ویلایەتی کالیفۆرنیا.
جۆرەکان
- جۆری (LS) ئێڵ ئێس، کە پۆلێنی پێوانەییە و بە هەردوو مۆدێلی (١,٥٠٠) و (٢,٥٠٠) هەیە، مۆدێلی ١,٥٠٠ بۆ شارە کە بزوێنەرێکی فۆرتیکی ٥,٣ لیتری هەیە بە هێزی ٣٥٥ ئەسپ، بەڵام مۆدێلی ٢,٥٠٠ بۆ دۆخی سەخت و شوێنی شاخاوییە، کە بزوێنەرێکی فۆرتیکی ٦,٠ لیتری بە هێزی ٣٧٩ ئەسپ هەیە.
- جۆری (Lt1) ئێڵ تی وەن، لە پۆلێنی ناوەندە و پێکهاتە بنەڕەتییەکانی ئاسوودەیی و کەشخەیی تێدایە و بە هەردوو مۆدێلی ١,٥٠٠ و ٢,٥٠٠ بوونی هەیە. مۆدێلی ١,٥٠٠ بۆ شارە کە بزوێنەرێکی فۆرتیکی ٥,٣ لیتری هەیە بە هێزی ٣٥٥ ئەسپ، بەڵام مۆدێلی ٢,٥٠٠ بۆ دۆخی سەخت و شوێنی شاخاوییە، کە بزوێنەرێکی فۆرتیکی ٦,٠ لیتری بە هێزی ٣٧٩ ئەسپ هەیە.
- جۆری (Lt2) ئێڵ تی تو، لە پۆلێنی فوول تایبەتمەندییە و هەموو شتێک لەخۆ دەگرێت و بە هەردوو مۆدێلی ١,٥٠٠ و ٢,٥٠٠ بوونی هەیە. مۆدێلی ١,٥٠٠ بۆ شارە کە بزوێنەرێکی فۆرتیکی ٥,٣ لیتری هەیە بە هێزی ٣٥٥ ئەسپ، بەڵام مۆدێلی ٢,٥٠٠ بۆ دۆخی سەخت و شوێنی شاخاوییە، کە بزوێنەرێکی فۆرتیکی ٦,٠ لیتری بە هێزی ٣٧٩ ئەسپ هەیە، لەگەڵ جۆرێکی دیکەی دەگمەن بە ٨,١ لیتر.
- جۆری (LTZ) کە پۆلێنێکی تایبەتە و زۆرتر تایبەتمەندی لەخۆدەگرێت و زیاتر کەشخە و ناوازەیە لە ناوەوە و دەرەوە، تەنیا بە یەک مۆدێل هەیە کە مۆدێلی ١,٥٠٠ـە. بزوێنەرێکی فۆرتیکی ٦,٢ لیتری بە هێزی ٤٤١ ئەسپ هەیە.
- جۆری (Z71) پۆلێنێکی وەرزشییە و بەرگەی دۆخی سەخت و شاخ و بەرزایی دەگرێت و بەرزترە لە مۆدێلەکانی دیکە، بەڵام تایبەتمەندی و کەشخەیی لەوانی دیکە کەمترە و گرنگی بە بەهێزییەکەی دراوە، تەنیا یەک مۆدێلی هەیە کە بریتییە لە ٢,٥٠٠ بە بزوێنەرێکی فۆرتیکی ٥,٣ لیتری بە هێزی ٣٥٥ ئەسپ، لەگەڵ بزوێنەرێکی دیکە بە ٦,٠ لیتر و هێزی ٣٧٩ ئەسپ.
ڕێژەی فرۆشی ساڵانە لە ئەمریکا
| ساڵ | تاهۆ | یوکۆنی GMC | کۆی گشتی فرۆش لە ئەمریکا |
|---|---|---|---|
| 1998 | 133,235 | 49,355 | 182,590 |
| 1999 | 122,213 | 53,280 | 175,493 |
| 2000 | 149,834 | 56,297 | 206,131 |
| 2001 | 202,319 | 77,254 | 279,573 |
| 2002 | 209,767 | 76,488 | 286,255 |
| 2003 | 199,065 | 86,238 | 285,303 |
| 2004 | 186,161 | 86,571 | 272,732 |
| 2005 | 152,307 | 73,458 | 225,765 |
| 2006 | 161,491 | 71,476 | 232,967 |
| 2007 | 146,259 | 63,428 | 209,687 |
| 2008 | 91,578 | 39,064 | 130,642 |
| 2009 | 73,254 | 29,411 | 102,665 |
| 2010 | 75,675 | 28,781 | 104,456 |
| 2011 | 80,527 | 34,250 | 114,777 |
| 2012 | 68,904 | 27,818 | 96,722 |
| 2013 | 83,502 | 28,302 | 111,804 |
| 2014 | 97,726 | 41,569 | 139,295 |
| 2015 | 88,342 | 42,732 | 131,074 |
| 2016 | 103,306 | 53,447 | 156,753 |
| 2017 | 98,961 | 49,183 | 148,144 |
| 2018 | 104,153 | 80,784 | 178,829 |
| 2019 | 101,189 | 74,673 | 175,862 |
| 2020 | 88,238 | 63,440 | 151,678 |
